糖佳百好

營業中

休息中

其實呢間店糖水味道唔算好差，已經外賣咗好多次，但有3成機率會中伏。最常出現係加錢要配料但無俾/俾錯。呢啲都係比較小事，因為外賣平台都會俾個合理補償。但前幾日嘅芒果西米露實在太過分！宵夜時間叫，$38西米露竟然只有浮喺表面嘅少少芒果浮渣？！一粒有結構嘅芒果肉都無？！(圖中肉眼所見就係全部，薄到全部浮起）過往點過幾次，都係有粒粒芒果肉，我先願意再叫。而且明明加錢要小丸子，就俾錯椰果我...另外，紫米露亦好稀，係一碗純糖水+紫米嘅感覺。住得美食沙漠，選擇本來就唔多，今次之後，唔會再點。