影片
更多
2021-05-31
973 瀏覽
同朋友喺北角食完 lunch，見天氣熱辣辣，入咗和富商場行下。有人意猶未盡，提議去「Mango Mania」食甜品解暑。餐廳主打芒果甜品如芒果沙冰、芒果蜜糖多士、芒果糯米飯芭菲、芒果椰汁西米露和不同芒果特飲，選擇非常豐富，啱晒一眾芒果迷！其實樣樣都想試，可惜得兩個人，食力有限，左挑右選，最後點咗 Super Mango Mania 超級芒果狂熱 ($68) 同 Mango Honey Toast 芒果蜜糖吐司 ($58) 各一客。超級芒果狂熱陣容非常強勁，除咗有大半個呂宋芒，3 款餐廳自家製的芒果甜品，包括：布甸、糯米飯和雪糕之外，更配有椰奶、芒果漿和鮮忌廉。芒果非常香甜，食落完全無渣，腍滑得來有咬口。布甸滑嘟嘟，不過味道就略淡，建議配埋椰奶漿或芒果汁一齊食。雪糕好香甜，質感幼滑，入口濃而不膩，能嚐到芒果獨特的清香。糯米飯煙煙韌韌，頂層的椰漿濃郁又不過甜，配埋面頭嘅脆粒一齊食，鹹甜夾雜，口感一流。至於另一款芒果蜜糖吐司，賣相亦很吸引，厚多士烤得非常香酥，加上塗滿了蜜糖牛油，真係超級邪惡，滋味十足，令人停不了口。中間的芒果糯米飯上面還配有椰子味雪糕，一冷一熱，口感十分有趣。雖然今次只係
同朋友喺北角食完 lunch，見天氣熱辣辣，入咗和富商場行下。有人意猶未盡，提議去「Mango Mania」食甜品解暑。
餐廳主打芒果甜品如芒果沙冰、芒果蜜糖多士、芒果糯米飯芭菲、芒果椰汁西米露和不同芒果特飲，選擇非常豐富，啱晒一眾芒果迷！
其實樣樣都想試，可惜得兩個人，食力有限，左挑右選，最後點咗 Super Mango Mania 超級芒果狂熱 ($68) 同 Mango Honey Toast 芒果蜜糖吐司 ($58) 各一客。
超級芒果狂熱陣容非常強勁，除咗有大半個呂宋芒，3 款餐廳自家製的芒果甜品，包括：布甸、糯米飯和雪糕之外，更配有椰奶、芒果漿和鮮忌廉。芒果非常香甜，食落完全無渣，腍滑得來有咬口。布甸滑嘟嘟，不過味道就略淡，建議配埋椰奶漿或芒果汁一齊食。
雪糕好香甜，質感幼滑，入口濃而不膩，能嚐到芒果獨特的清香。糯米飯煙煙韌韌，頂層的椰漿濃郁又不過甜，配埋面頭嘅脆粒一齊食，鹹甜夾雜，口感一流。
至於另一款芒果蜜糖吐司，賣相亦很吸引，厚多士烤得非常香酥，加上塗滿了蜜糖牛油，真係超級邪惡，滋味十足，令人停不了口。中間的芒果糯米飯上面還配有椰子味雪糕，一冷一熱，口感十分有趣。
雖然今次只係試咗兩款甜品，不過整體水準真係唔錯，值得返兜。
張貼
