影片
更多
2017-11-19
1726 瀏覽
人氣北海道芝士蛋糕專門店 Luna Cake 嚴選日本進口既優質食材 係我超愛食既芝士蛋糕店！上次朋友生日食過一次之後就念念不忘嗰種芝士味既餘韻！今次一次過食曬四種口味真係超滿足！特濃宇治抹茶芝士蛋糕$42抹茶粉用上丸久小山園整成 蛋糕分兩層 上層抹茶慕絲茶味入口回甘香 下層芝士蛋糕質感軟滑 芝味濃郁而不膩 食後個口有苦中帶甜既感覺 餅底係海綿蛋糕 而吾係香脆既牛油餅底 減少滯溜既感覺 兩層一齊食會覺得兩隻味好match 而吾會蓋過另一種味 食完一件都吾會覺得好heavy！鍾意抹茶同芝士既朋友可以一試！-原味芝士蛋糕$38比起抹茶口味 我更推薦這個原味芝士！簡直係芝士控既福音呀！雙層芝士既配搭 但兩層口感不同喔！上層係軟滑芝士 慕絲質感 下層係實淨芝士！口感勁似芝士雪糕！雙重芝士既感受 加上奶味濃郁香醇！芝士控一定一試難忘！-玫瑰荔枝芝士蛋糕$44呢款超清新呀！清甜荔枝味帶點玫瑰既幽香 食落甘甜無比！配奶香幼滑既芝士蛋糕估吾到味道甘夾愈食愈開胃~食完香氣仲係口到徘徊不散-檸檬味芝士蛋糕$42呢款感覺比較普通 檸檬味濃烈過芝士味!最上面有啲奶味香濃既忌廉 整體食落都蓋過曬芝士香喇>
特濃宇治抹茶芝士蛋糕$42
抹茶粉用上丸久小山園整成 蛋糕分兩層 上層抹茶慕絲茶味入口回甘香 下層芝士蛋糕質感軟滑 芝味濃郁而不膩 食後個口有苦中帶甜既感覺 餅底係海綿蛋糕 而吾係香脆既牛油餅底 減少滯溜既感覺 兩層一齊食會覺得兩隻味好match 而吾會蓋過另一種味 食完一件都吾會覺得好heavy！鍾意抹茶同芝士既朋友可以一試！
-
原味芝士蛋糕$38
比起抹茶口味 我更推薦這個原味芝士！簡直係芝士控既福音呀！雙層芝士既配搭 但兩層口感不同喔！上層係軟滑芝士 慕絲質感 下層係實淨芝士！口感勁似芝士雪糕！雙重芝士既感受 加上奶味濃郁香醇！芝士控一定一試難忘！
-
玫瑰荔枝芝士蛋糕$44
呢款超清新呀！清甜荔枝味帶點玫瑰既幽香 食落甘甜無比！配奶香幼滑既芝士蛋糕估吾到味道甘夾愈食愈開胃~食完香氣仲係口到徘徊不散
-
檸檬味芝士蛋糕$42
呢款感覺比較普通 檸檬味濃烈過芝士味!最上面有啲奶味香濃既忌廉 整體食落都蓋過曬芝士香喇><不過算係無咁heavy之選~咁不如食玫瑰荔枝味!!
宇治石磨濃茶卷蛋 $145
採用京都茶匠特製的濃香抹茶 純手工精製既抹茶卷蛋
宇治石磨濃茶融合北海道產鮮忌廉 香濃幼滑 抹茶味甘甜十足
純手工製作的蛋糕卷 軟綿綿既口感配雪凍
左既濃郁抹茶醬!!感覺好似蛋糕包雪糕~
-
抹茶卷蛋有3種食法
第1種: 放係冰箱 等抹茶醬變硬再食 口感就好似食雪糕一樣
第2種: 放係雪櫃 食既時候抹茶醬質感似cream咁軟滑 入口即溶
第3種: 室溫下解凍流心狀態
-
我最喜歡第一種雪糕口感整體味道口感都吾錯 但價錢就真係貴左啲寧願食佢地個抹茶芝士蛋糕～
-
<Sweet Orchestra>麻糬芝士拉糕 $95
超煙韌軟糯既芝士麻糬！
睇佢個樣真係估吾到咁正一盒六粒
儲存方法係放冰格 要食之前放到雪櫃度解凍2-3小時就食得芝士成分佔大多數 所以芝士味係濃醇到不得了芝士迷超滿足!!奶味同樣香濃 但絕對吾會蓋過芝香!
重點佢個口感!超軟糯同糯米糍一樣
芝士味突出又香甜 整體食落甜度適中
愈食愈正 又怕開左再放雪櫃變得吾好食就浪費曬啲芝士bb順便就成盒拍曬食曬都吾覺好甜膩可能我芝士毒中毒太深
-
<Sweet Orchestra>夕張蜜瓜芝士拉糕 $95
鍾意哈蜜瓜味既朋友岩曬喇!Luna Cake麻糬 x Cheesecake既拉糕 仲有個哈蜜瓜口味融入蜜瓜果茸提煉出既果汁於麻糬皮 香甜濃郁既哈蜜瓜一咬就出 清新鮮甜滋味!
成粒都係煙韌軟糯既麻糬 内含咸香既芝味整體甜度全來自哈蜜瓜味既清甜
只係哈蜜瓜味太香濃 蓋過左芝士味但麻糬口感完勝正到爆
芝士迷建議買返原味芝士麻糬拉糕
鍾意哈蜜瓜味既朋友就吾好錯過呢款喇
宇治抹茶流心大福 $165
煙韌又流心既抹茶大福
麻糬皮非常煙韌!抹茶味甘甜十足!
成個大福分左三個層次 外面灑滿宇治抹茶粉 中間內餡係抹茶白豆蓉包住濃濃既抹茶醬
整體甜度都係來自抹茶白豆蓉 甜度適中既 抹茶控對呢個都幾滿意!!起碼抹茶味係夠濃烈
大家係雪櫃拎出黎要放一陣先食 咬落先會流心嫁!!而且剛係雪櫃拎出黎個皮係會實淨啲 過一陣會軟糯啲~
但如果無左抹茶白豆蓉嗰層 全部都係抹茶醬我會開心啲囉><
張貼
