Mini Club (已結業)

呢度位置有啲偏僻, 不過好處系靜靜地, 唔會好多人, 餐廳播住音樂, 氣氛唔錯。呢支白酒唔算易入口, 酒味好濃帶苦, 唔太適合新手。先食生蠔, 有啲比較creamy有啲比較爽脆, 全部都好新鮮, 唔會有腥味, 正!芝士火鍋芝士好creamy而且味好濃, 可能芝士怪先接受到, 配料方面, 用ham搭芝士太咸, 反而淡味既蔬菜同多士更加夾!Pizza好迷你, 底比較厚, 芝士味同蕃茄味都唔錯, 不過質感似麵包多啲。芝士肉汁薯條份量好大, 粗薯條油左少少, 薯味都幾濃, 淋上大量芝士, 就變得唔夠脆, 而且味偏咸。呢度環境氣氛都好, 人唔多, 想飲兩杯傾下計, 系唔錯既選擇。