米走雞 (昭德大廈) (已結業)

今次終於可以一嚐米走雞的招牌芝士雞煲，真係非常期待，已經心思思想食好耐。其實之前都食過呢度的麻辣雞煲，那時我都已經大呼好食，可以選擇不同辣度，而且份量十足，剩係雞煲都食到飽，配料選擇又多。呢度有啲配料仲可以選全份或半份，比啲人數唔多，但又想食多幾樣配料可以多啲選擇。而今次就點左黃金芝士(小)一落單個芝士雞煲就好快黎到，煲緊的時候，見到好多芝士係入面熔緊，睇見就好想快啲食。終於都等到芝士煮熔晒，一打開蓋，芝味撲鼻。啖啖都係雞肉，雞肉嫩滑，而且每件雞肉都沾滿了芝士，就好似食緊瑞士芝士火鍋一樣。大讚！當食完雞後，就加湯打其他配料，唔好以為係普通清湯，而係芝士湯，所以芝味有增沒減。感覺即時又變成食中式火鍋了，一個雞煲兩種不同感覺的食法。其實食完雞煲都開始覺得有少少飽，但依然想繼續食，所以都點了幾樣半份配料黎滿足我的食慾。極力推薦蜂巢冰豆腐、蟹柳，真係好食，又滑又甜，吸埋啲芝士湯好正。竹笙墨魚滑又鮮又爽口彈牙，外面包住竹笙都幾特別。仲有新鮮牛頸脊，煮完好滑好爽一啲都唔韌，而且牛肉味沒比芝士搶走。其他配料都非常好吃。鮮炸響鈴，煮10-15秒就剛剛好，外軟內脆，吸埋芝士湯簡直一級棒。炸魚皮非常香口，