影片
更多
2014-09-18
3933 瀏覽
一向都好鍾意食帶有芝士嘅食物，例如芝士餅、意粉、薄餅……等等，而食薄餅更經常糝滿芝士粉晌薄餅之上，睇見好幾位朋友對長沙灣「米走雞」所撰寫嘅食評，引起小弟唔少興趣，加上地點幾就腳，由屋企搭兩個站地鐵就到，所以，就捉埋兩個朋友，搵個閒日夜晚過嚟試一試。由於餐廳位處青山道近尾一截，附近都喺舊樓多，以及幾個待發展嘅地盆，所以，入夜都有啲靜，人流唔多，而入到餐廳內，亦感覺客人以街坊客居多。室內環境雖然無乜雅致嘅裝修，但夠晒乾淨企理，精簡平實。離遠走近餐廳時，已晌門口見到佢兩個主打火鍋嘅燈箱：「黃金芝士雞煲」及「火焰麻辣雞煲」，為着前者而來，所以，亳無懸念。其實，原來仲有其他湯底供打邊爐選擇，例如：香濃豬骨湯、惹味沙嗲湯、四川麻辣湯、粟米蕃茄豬骨湯幾款。啱啱坐低，店員就遞上A4大細一頁過嘅點餐紙，雖然雞煲已定，但當然都要先細閱一下有咩選擇。火鍋配菜由肉類、海河鮮、蔬菜及菌類、內臟、丸類，到粉麵，大概60多款食物，此外，仲有酒水。除咗一啲時價嘅海河鮮外，感覺整體定價亦喺平實，有啲配菜仲有全份、半份供選擇，非常有彈性，點餐紙右下角更列明4-11月夏季期間免收加一添，讚呀！黃金芝士雞煲 $128芝士雞煲
由於餐廳位處青山道近尾一截，附近都喺舊樓多，以及幾個待發展嘅地盆，所以，入夜都有啲靜，人流唔多，而入到餐廳內，亦感覺客人以街坊客居多。室內環境雖然無乜雅致嘅裝修，但夠晒乾淨企理，精簡平實。
離遠走近餐廳時，已晌門口見到佢兩個主打火鍋嘅燈箱：「黃金芝士雞煲」及「火焰麻辣雞煲」，為着前者而來，所以，亳無懸念。其實，原來仲有其他湯底供打邊爐選擇，例如：香濃豬骨湯、惹味沙嗲湯、四川麻辣湯、粟米蕃茄豬骨湯幾款。
啱啱坐低，店員就遞上A4大細一頁過嘅點餐紙，雖然雞煲已定，但當然都要先細閱一下有咩選擇。火鍋配菜由肉類、海河鮮、蔬菜及菌類、內臟、丸類，到粉麵，大概60多款食物，此外，仲有酒水。除咗一啲時價嘅海河鮮外，感覺整體定價亦喺平實，有啲配菜仲有全份、半份供選擇，非常有彈性，點餐紙右下角更列明4-11月夏季期間免收加一添，讚呀！
黃金芝士雞煲 $128芝士雞煲有分大細，大嘅$168，細嘅$128，曾問過店員細煲份量有幾多，佢話細嘅有一隻嘅份量，而大嘅則有隻半，但佢補充一句，為咗客人食得暢快，一啲無肉嘅下欄都會清走晒，但睇落又真喺好足秤，好大鍋。雞件本身已先處理過，所以，送上枱已呈金黃色，芹菜墊底，加上自家調校嘅芝士漿及乾蔥，待雞煲再滾起就食得。雞肉都算嫩滑，配芝士又幾OK喎，啲芝士頗香濃，滑溜唔太杰，但好掛汁，有少少食緊芝士火鍋咁，真想搵件法包沾啲芝士食。
清晒啲雞件，開始加入奶白色嘅上湯打邊爐，而配料亦隨即送到。由於個雞煲著實唔少，為免食唔晒而嘥嘢，所以，我哋採取邊食邊點嘅策略，先嚟一碟特級雪花肥牛、響鈴、蜂巢冰豆腐及竹笙，及後唔夠先再追加。
特級雪花肥牛 $88（細份）肉類有牛頸脊、牛柳粒、羊肉片……等等，據店員介紹，佢哋啲肉大部份都喺晌附近街市新鮮買。由於同行朋友都唔喺食肉獸，所以，都唔敢點太多肉，只點咗一碟細雪花肥牛，雖然肉質好鮮嫩，但實在偏肥。
響鈴 $38一客響鈴有10條之多，都只喺賣$38，輕灼數秒，外層吸咗少少湯汁有份軟軟腍腍，咬落內裡仍有些微脆身，豆味唔算好強，屬中規中矩嘅水平。
蜂巢冰豆腐 $35豆腐放入湯內，煮透吸滿湯汁後，變得煙韌有咬口，口感幾得意，真喺唔知邊個咁醒諗出依樣嘢。其實好多嘢雪過之後，質感及味道都有變，所以，冰豆腐真喺唔可以當食一般豆腐嚟睇！
竹笙 $28雪白嘅竹笙滿滿放得一碟，賣$28唔知佢毛利有幾多。竹笙本身無乜味，但入口爽脆，又好吸汁；最大賣點喺健康有益，促進新陳代謝，降血壓，減膽固醇嘛。
秘製鮮蝦蟹籽餃 $25（半份）見啲丸類都唔太特別，所以，就不如試試佢嘅秘製鮮蝦蟹籽餃，餃子喺自家包製嘅，以鮮蝦、蟹籽做餡，味道算唔錯，但唔會太有嘩一聲嘅感覺。
金菇 $28、白菜仔 $15（半份）、生菜 $15（半份）一連幾款蔬菜一次過分享，其實，都喺啲晌街市常見嘅種類，不過，街市貨色，夠新鮮，又靚仔。
飲品幾款啤酒、汽水外，仲有奶茶、檸茶添，不過，唔知質素如何，都喺檸7、檸樂（$14）夠穩陣，冰底加檸檬，自斟自飲。
最後都俾個笑，不過，正式嚟講，個笑喺俾個黃金芝士雞煲；配料方面，只可以俾個OK佢，實在有待改進，誠然服務搭夠。當然，我哋只喺試咗三幾樣嘢，無點試佢啲貴價食材，或許有啲未夠全面，但來日方長，咁近我住嘅區域，再幫襯容乜易。
張貼
