影片
更多
2018-03-06
107 瀏覽
經過兆萬樓下，只要接過一張傳單，其他派傳單o既人士就會係咁隊d 食肆單張去我手中，我以為自己去o左尖沙咀重慶大廈呀……相信競爭應該好大了吧。因為今日一早book o左食呢間，其他o個d 就下次啦maybe，辛苦晒咁落力宣傳o既大家！一入座首先會有一set 前菜，同埋有兩張點餐紙只限點一round，分別係鍋物同大刺身船。鍋物可揀松葉蟹火鍋或者和牛壽喜燒。因為朋友想食蟹，所以叫o左前者。d 蟹鉗已經起o左部份殼方便你食，肉質比較腍身，顯示真係落落去熬湯熬o左好耐，而湯底都有d 碎蟹肉o係入面，好濃海鮮味。大刺身船o既實質內容其實同之後可以追加o既刺身係一樣o既，只不過係會排靚d 多d 裝飾咁，放題都常見。其中想講北海道帶子特別大粒滑嫩，象拔蚌充滿海水o既鮮味，花蝦(有頭甜蝦) 雖然細細隻但最鮮甜。香草燒羊架仲係充滿油份，一d 都唔韌，雖然其他唔食無人同我分，要我食晒成塊heavy o左d……炙燒雞中翼塊皮燒到微燶，都幾香口係唔錯o既。巨海老天婦羅又係油膩o野，好在隨即就o黎個柚子大蝦沙律，有一隻應該係虎蝦o既蝦，配上碎柚子肉同生菜粟米粒，酸酸甜甜正好消一消滯。因為鍋物無揀到和牛，而家補番，
一入座首先會有一set 前菜，同埋有兩張點餐紙只限點一round，分別係鍋物同大刺身船。鍋物可揀松葉蟹火鍋或者和牛壽喜燒。因為朋友想食蟹，所以叫o左前者。d 蟹鉗已經起o左部份殼方便你食，肉質比較腍身，顯示真係落落去熬湯熬o左好耐，而湯底都有d 碎蟹肉o係入面，好濃海鮮味。
大刺身船o既實質內容其實同之後可以追加o既刺身係一樣o既，只不過係會排靚d 多d 裝飾咁，放題都常見。其中想講北海道帶子特別大粒滑嫩，象拔蚌充滿海水o既鮮味，花蝦(有頭甜蝦) 雖然細細隻但最鮮甜。
香草燒羊架仲係充滿油份，一d 都唔韌，雖然其他唔食無人同我分，要我食晒成塊heavy o左d……炙燒雞中翼塊皮燒到微燶，都幾香口係唔錯o既。
巨海老天婦羅又係油膩o野，好在隨即就o黎個柚子大蝦沙律，有一隻應該係虎蝦o既蝦，配上碎柚子肉同生菜粟米粒，酸酸甜甜正好消一消滯。
因為鍋物無揀到和牛，而家補番，先後叫o左香蒜片和牛粒同芝士和牛手打漢堡扒。前者蒜香味幾過癮，味道較似中式煮法。而那個和牛漢堡則好特別，呢個絕對推介，芝士係夾心的，食落去d 流心好creamy o既芝士會一下子湧晒出o黎！
芝士和牛手打漢堡扒
5 瀏覽
0 讚好
0 留言
飲品自取，我飲過罐韓國凍頂烏龍茶同lotte 蘆薈汁。甜品除o左飲品櫃隔離o既一d 布甸同mousse 外，出面仲有個雪糕櫃，我試o左維記雪糕糯米糍，係芒果味哦。
後來想埋單前有個侍應哥哥問我地食完味，食完就拎d 甜品俾我地。我心諗仲有咩o野甜品……？原來訂座的話係有mövenpick 雪糕送o架！意外驚喜，mövenpick 自然又高級d 啦，含真正果肉，好食。
mövenpick 雪糕
14 瀏覽
0 讚好
0 留言
又話說，呢個蠟起個頭烏蠅眼鏡好高大o既哥哥，成餐飯見佢一直又快速執檯又落力招呼呢個招呼o個個都仲笑容滿分，真的值得加許。
張貼
