東喜茶 (已結業)

做完野行過好口渴，見到貢茶同東喜茶，就試個未試過既東喜茶。🤔本身淨係聽過個名，唔知出名係邊，就上網check左，係我無乜試過既奶蓋，所以就叫左個金鳳茶王配芝士奶蓋($33)。.店員好細心，有教我要打開蓋飲，唔好用飲管，打斜飲，就可以混合奶蓋同茶。唔似其他連鎖店要用飲管，淨係飲到茶而無奶蓋，或者一開始就要撈埋飲，呢一點要加分！👍🏻👍🏻.一入口，好特別！！😆第一個味覺係奶蓋既奶味同芝士既咸味，之後係金鳳茶王既茶味，混合埋奶蓋，係好香好特別既奶茶配上咸咸地既味覺衝擊，好有層次，又好玩又好飲。.原諒我文文筆唔好，真係好難形容有幾特別，一定要試過先知😼。飲到一半，奶蓋凝固係中間，有啲難同時飲到茶同奶蓋，要用力搖一搖佢先可以繼續飲。雖然價錢相比起其他飲品連鎖店偏高，但質素同新鮮感可以話係完全抵晒！🤗.下次行過一定會再飲，而且仲要試下其他款，因為見人飲嗰啲顏色好鮮豔豐富，係果味飲品配奶蓋，一定會為味覺帶黎新既衝擊！