茶星人 (富榮花園) (已結業)

中秋節前夕梗係要去油麻地果欄買啲生果同屋企人一齊慶祝啦 買完之後就經過富榮花園嘅呢間茶星人係飲台式飲品嘅鋪頭 都見幾多人幫襯望入廚房明亮乾淨衛生於是就試下啦叫咗杯芝芝芒芒 加大700ml都係35蚊幾抵飲 雖然有幾個客人等緊 不過都係五分鐘 就有十分迅速 可以打開個蓋唔用飲筒咁淨係品嚐上面嘅芝士奶蓋 非常濃沃嘅芝士味 感覺係忌廉裝嘅芝士蛋糕 芝士控必試比起其他飲品店嘅奶蓋比較厚身 而且真係特濃下面嘅芒果沙冰真係有超多芒果肉 而且勁香甜 沙冰整體唔太甜 成個配搭好夾加咗奇亞籽飲落有粒粒口感又夠健康喺同一間舖頭買咗個日式丼飯火炙三文魚飯 包裝勁精美 有去咗日本嘅感覺 份量大三文魚肥美 加埋幾款唔同嘅前菜 大滿足