肯德基家鄉雞 (KFC) (已結業)

呢幾年係灣仔，不論早餐，定係午餐，都係幫襯KFC，其實唔係特別LIKE，只係因貪方便，又平又速度快，打工仔時速革命既世界，速食文化已成王道，仲有一個好重要既原因，就係自己一個人食，都唔會好異相，因為入到去差唔多每個人都係咁，獨L一名，同道中人，呢間新開既KFC，好坐之餘，下午茶時段仲要唔多人，爽呀。 環境:環境大又好坐。 食物:下午茶:家鄉雞下脾茶餐，加$2升級芝士撻，熱潮已過既芝士撻，但係都忍唔住加錢試下，$24，成日都食家鄉雞之下，無咩特別感覺，要比評語，就係香口，肉質正常，雞粒太油，反而集中係期待既芝士撻，期待既意思唔係好唔好食既期待，而係個賣相平平無奇，點芝士法，一啖啪落下，有芝士味既，無流心既，質感同普通蛋撻一樣，覺得好合理，呢個價有咁呀。