BHC (已結業)

炸雞係香港好多韓式餐廳都有得食，但唔係間間都可以同韓國當地既炸雞媲美，呢間BHC係我食過覺得幾接近韓國既水準。 BBU-LINKLE PLATTER$338 🍴BBU-LINKLE CHICKEN每件雞都灑滿勁多芝士粉，芝士味超濃🧀🧀🧀，係甜甜咸咸既味道，舊舊都啖啖肉，皮炸得好脆，咬落去超爽，直程覺得自己可以學youtuber錄ASMR😆，而且份量都唔少。🍴SPECIAL FRIES, CHEESE BALL芝士波波一定要趁熱食，熱辣辣食入面既芝士係拉絲既，口感外脆內軟🤩薯條係又脆又香口，上面都係同芝士炸雞一樣既芝士粉，熱愛芝士味既一定鐘意。 🍴COBB SALAD入面材料都幾豐富，有生菜、蕃茄、洋蔥、蝦、雞胸肉、牛油果、煙肉碎、烚蛋同埋芝士(係阿又係芝士🤣)，蔬菜都好新鮮，啱晒食炸物食到膩既時候清一清味蕾。 一邊聽住k-pop，一邊食炸雞，氣氛唔錯，環境闊落。呢個套餐都夠3個人食，性價比高，推介。