芝士冰室 (已結業)

萬聖節又就快到，每年都會去買一些應節物品高興下，最愛到深水埗玩具街一帶閒逛，因為價錢平而且貨品種類超多，每次都可以逛上2-3小時。玩具街上望見有間餐廳好多人排隊，上前望望原來是最近十分火熱的芝士冰室，全店大部份食物都用不同芝士製作而成，一於排隊試一試先。等了差不多20分鐘左右終於有位，立馬坐下再慢慢揀選食物，食物款式都挺多，而且芝士口味都有得選擇。野菜沙律新鮮沙律菜配上芝麻醬汁，沙律菜翠綠新鮮，清新爽脆，麻醬味道香濃，配搭沙律菜特別滋味。流心芝士漢堡扒小吃細個件，一啖一口剛剛好，漢堡扒軟淋入味，流心芝士芝味濃厚。流心芝士薯餅芝士薯餅即叫即炸，外層金黃酥脆，內脆內軟，芝士無窮。流心芝士蒜蓉包蒜蓉包配上雙色流心芝士，流心芝士份量十足，每咬一口都有濃厚蒜香芝士香味，麵包烘到香脆可口，超正。厚切豬扒芝士撈稻庭烏冬豬扒每件都非常厚身，肉質鮮嫩多汁，香草味突出，稻庭烏冬拌勻芝士醬汁，咸香惹味，芝士味香濃，不過如果可以再多些芝士汁就更好，焗四重芝味鮮茄豬扒飯用上四款不同芝士調配而成的芝士汁，味道香濃不太漏，配上鮮茄清甜香味更加之夾，豬扒肥美厚肉，鮮嫩軟淋，整體非常有驚喜。凍粒粒爆檸梳打超有份量的爆檸