美心西餅 (尖沙咀站)

營業中

休息中

我不嬲食開美心個糙米芝士包$17，今次諗住去買既時候見到糙米軟心芝士包$19，見幾得意就買左試下。因為想食麵包，但又想健康啲，所以我都有比較呢隻糙米芝士軟心包同普通芝士糙米包，點知好似重健康，脂肪同糖都少啲。不過味道方面，我鍾意普通芝士糙米包多啲，因為軟心包個芝士雖然多啲，但芝士味無咁濃，同埋無咁咸，食得無咁過癮。雖然整體黎講都唔算差，但$19得四舊，性價比好似唔夠芝士糙米包高（$17有8片），所以之後應該都係買返芝士糙米包算。不過男朋友話覺得軟心包好食啲，口味呢啲野真係見人見智，所以如果鍾意食芝士糙米包既都可以試下呢隻軟心包。