茶茶台式料理 (已結業)

今日一起身就好想食蛋餅同鹽酥雞，真係好掛住台灣啊!!收工即刻約埋同事一齊去食台灣野～揀咗茶茶台式料理，已經食過好多次架啦，晚市仲有台式一人火鍋添！麻辣四寶麵麵條有咬勁好煙韌，麻辣味道岩岩好，好麻香~最鍾意大腸，咸香有嚼勁。芝士肉鬆蛋餅熱辣辣上枱見到都流口水，香甜肉鬆加埋濃郁芝士，口感夠哂豐富～白灼時菜叫返個灼菜心食，好清甜又健康。小香腸拼鹽酥雞粒有得雙併真係好，可以試哂兩款~小香腸好JUICY，鹽酥雞夠酥脆！