芝士冰室 (已結業)

有日見到youtuber介紹，身為芝士控嘅我即刻去openrice睇食評，評價雖然唔高，但佢聲稱個芝士醬用多款芝士秘製而成，令本身唔中意食茶記芝士撈麵嘅我深感興趣😅。星期四晚自己一個嚟食晚餐，當時其實仲有茶餐，不過無我想食嘅野，結果單點流心芝士雞扒招牌芝士汁撈粉，由於自己消化唔到公仔麵，所以揀左螺絲粉。流心芝士雞扒招牌芝士汁撈螺絲粉 $54雞扒好厚，中間仲見到有芝士流出😃，肉質望落水潤多汁，外層炸到硬脆，調味唔會好鹹，不過炸衣真係硬左D，幾界口😅。輪到我最期待嘅芝士汁，顏色好橙好似好濃郁，第一啖食落又真係有車打芝士同蒜香。不過成碗粉撈好，就會發覺食得越底，就越濃意粉水味😐，完全蓋過芝士味，我估係因為螺絲粉無琼好水，結果沖淡左個醬，有點可惜。另外，螺絲粉煮到幾淋下，就係正宗茶記意粉質地，無牙都食到果D，如果介意嘅朋友就唔好揀佢啦😏。芝士奶蓋紫薯鮮奶 $23呢杯野好大杯，我特登同埋個餐具筒作比較!!😯 呢個粉紫色真係好靚，而且又有漸層，賣相一流。😏頂層芝士奶蓋偏奶味、帶點鹹，紫薯鮮奶奶味唔重，個底有唔少紫薯粒，飲落幾薯，整體不過不失，飲完真係好飽!!自己本身甚少飲甜野，所以呢杯野到我嚟講甜