Angry Oppa Restaurant & Bar (已結業)

呢間餐廳細細地，坐底都幾舒適，電視仲會播啲韓國節目幾有feel架。見到menu上面都算多選擇。有幾款類型嘅pizza、鍋物、煎餅、便當、小食。海鮮湯鍋$99🤗抵到爛，我相信係尖沙咀好難再搵到第二間99蚊而且有質素有鮮味嘅湯鍋。好多料，海鮮有青口、蜆、蝦，配上菇菇蔬菜，令湯底夠曬鮮味🤩。海鮮韭菜煎餅$168正宗韓式煎餅👍🏻金黃色嘅煎餅薄薄，偏偏食落口感豐富，裡面有蝦、魷魚同韭菜，點啲辣椒豉油更加惹味，食到唔停！☺️韓式醬牛肉薯泥比薩批🍕$188食左呢個批，不枉此行，唔好睇個批咁細個毫不起眼，甜甜酸酸嘅韓式醬味道幾特別，配牛肉薯泥好夾，好開胃，再加上表面仲厚過我面皮嘅芝士層😁咬落去香濃芝士煙韌而又實在嘅口感，令人一試難忘。🤤唯一嘅美中不足，如果牛肉可以再多啲就好。