鹿角巷

營業中

休息中

繼上次試過佢嘅招牌鹿丸鮮奶，我話過要繼續試吓佢其他嘅飲品。今日咁啱又要去尖沙咀，於是特登行去呢度買嘢飲。睇咗一陣個Menu都唔知飲乜好，冇乜特別嘢吸睛，於是照舊叫返招牌鹿丸鮮奶，比完錢之後發現原來牆上貼左兩款期間限定嘅飲品，於是我立即問收銀員可唔可以改，佢真好好，肯俾我改，所以我最後叫咗鹿丸滑捋捋。芝士雪絨嘅飲品首先係要第一啖飲下啲芝士同埋紅茶，之後再攪勻啲珍珠一齊飲。芝士雪絨同平時嗰啲芝士奶蓋有啲唔同，呢個比較滑同埋口感薄身啲，所以飲起嚟冇咁膩同滯，紅茶嘅茶味都好香濃，攪勻之後我發現啲冰都差不多溶晒，但係杯飲品都keep到凍嘅，我最鍾意咁樣因為唔會溝淡晒，總括嚟講都係值得一試。