更多
2014-01-06
710 瀏覽
睇過電視介紹後特登去搵新記試吓芝士麵,愛芝士汁嘅朋友不妨試吓。 茶餐廳形式,除芝士麵外仲有多款麵飯選擇,不過入去幫趁嘅都係食芝士麵為主。 芝士麵既芝士汁撈即食麵,可選唔同食物配搭。豬扒煎蛋芝士麵: 芝士汁杰身唔算太濃有淡淡芝士味,我睇到廚房裡面師傅將片裝芝士加入白汁內調味,豬扒帶骨較薄身醃過再煎炸有D乾,煎蛋係太陽蛋,原先諗住蛋汁撈埋芝士汁會好滋味,可惜蛋黃淺色唔夠蛋味,整體都好特別幾好味,都幾漏。雞翼、芝士丸: 芝士丸唔可以加落芝士麵叫,唯有散叫啦不過唔想食太多粒所以叫咗拼雞翼小食。 芝士丸係平時打邊爐嗰隻炸過再淋上芝士汁,丸入面D芝士溶晒裡裡外外都芝士當然好味啦。 至於雞翼係一個驚喜估唔到咁好味,雞中翼係細size見表面有薑同蒜蓉就知經過調味醃過好入味,最特別係將雞中翼打橫切開,炸到表面脆卜卜,而size剛好一舊一啖又易將骨頭吐出,讚!我一個人食晒兩樣嘢,確實好漏好吃力! 下次唔會叫晒全部芝士喇。
睇過電視介紹後特登去搵新記試吓芝士麵,愛芝士汁嘅朋友不妨試吓。 茶餐廳形式,除芝士麵外仲有多款麵飯選擇,不過入去幫趁嘅都係食芝士麵為主。 芝士麵既芝士汁撈即食麵,可選唔同食物配搭。
我一個人食晒兩樣嘢,確實好漏好吃力! 下次唔會叫晒全部芝士喇。
張貼