桃子Cafe (已結業)

2019年最後一餐要食好D。朋友好鐘意日本，今日就同佢「返鄉下」，回味下日本美食。呢一間專門食蛋包飯， 黎到當然要試試。晚餐$98有set，包飯、飲品同埋甜品。作為芝士愛好者，好快就諗好叫咩，叫咗咖喱芝士漢堡蛋包飯。日本咖喱偏甜，仲有少少紅蘿蔔做配料，正正常常。隻蛋好滑，仲有少少蛋汁，超級好味。芝士放咗喺漢堡扒上面，芝士嘅份量絕對唔吝嗇，可能食得太耐佢凝固左，可以一細嚿咁樣食。漢堡扒勁厚身，食到好飽，但亦因為厚身所以咁煮落有少少嚡。整體成個飯有好多適合配飯嘅原素，每一樣加埋就令到成個飯都好好味，甚至嫌飯太少。為咗隻蛋，絕對有下一次。