半熟工房 (金馬倫道) (已結業)

折禮日果然收到禮物，同班知心好食友是日聚一聚食餐晝賀聖誕，好友C竟然送上半熟工房嘅半熟芝士蛋糕作為聖誕禮物，實在太客氣喇 ！當然，小弟都早有準備，否則失禮死呀！半熟工房嘅半熟撻賣到開行，反而依一款半熟芝士蛋糕較被人忽略。盒內有張小卡，喺咁樣介紹個蛋糕：「北海道特濃奶油芝士，配上日本幼滑麵粉和法國鮮香牛油，再以特製的烤焗方法 」製作，又睇睇喺咪咁犀利。每盒半熟芝士蛋糕有5件，賣$85，橢圓形嘅蛋糕小巧的骰，件件更以牛油紙獨立包裝，方便取出食用，既美觀，又實用 。味道方面，當打開盒蓋，已散出淡淡芝士香味，個個烘得金黃，猶如小金磚，面面帶點焦香感，未食都已有所期待 。雖然細細個，但拎上手都唔會太輕飄飄，入口口感非常輕柔軟熟，軟綿綿嘅感覺，有少少似食綿花糖咁，然而，芝士嘅味道頗香濃，用料十足，論質素絕對做得上乘有水準 ，真喺好多謝食友嘅禮物。無論賣相、口感、味道，都令我回想起曾晌香港紅極一時嘅田中家日本芝士蛋糕，亦喺嗰時令小弟認識到依一款軟綿綿嚟自日本嘅烘焙芝士蛋糕，只喺半熟工房嘅變成迷你版。但講到尾，要話佢喺「半熟」，小弟覺得根本唔喺嗰回事 ，不過，你話「半熟」喺指店名，即喺好似「