240
18
15
等級4
277
0
見到朋友IG story食芝士雞煲食得咁滋味,忍唔住問佢係邊到食得到。後來先知原來佢經常幫襯呢間,未食過芝士雞煲嘅我當然要拉佢陪我試下啦~因為去之前收到店員電話確認預約,叫我地唔好遲到。咁我地當然好乖係預約時間5點前到鋪頭,但係間鋪黑哂,有兩個疑似店員嘅人坐係出面。基於佢地個樣都幾惡下,又無問我地係咪bk咗位,我地都唔敢貿貿然問佢地係咪店員或者開店未。後尾見到門口痴住張poster寫開店時間係5點半,我就奇怪咁又比人預約5點?於是我地再出去兜下,搭正5點先再過去,點知都仲係未開店閂哂門咁。之後一邊再係附近兜一邊打電話比鋪頭,問其實係咪開5點半,店員又話唔係,語氣唔太好咁話開咗好耐啦,仲質疑只係我個鐘快咗。個下完全呆咗,明明一分鐘前完全無人咁款,真係好無奈。入座後,朋友覺得佢個位隔離有條柱頂住唔方便食野,問可唔可以調位,個陣成個場係好吉,店員一開始都唔太想比佢轉,我提議同朋友調位坐,不過佢都驚我食得辛苦所以依然想轉。好彩最後都肯比我地轉位,只係店員又再三提醒我地一定要7點前走人。食物方面,我地叫咗三重芝士雞煲。芝士都幾足料,好香。店員都會幫你炒,同你講下可以refill雞件。芝士都做到拉
更多
見到朋友IG story食芝士雞煲食得咁滋味,忍唔住問佢係邊到食得到。後來先知原來佢經常幫襯呢間,未食過芝士雞煲嘅我當然要拉佢陪我試下啦~

因為去之前收到店員電話確認預約,叫我地唔好遲到。
咁我地當然好乖係預約時間5點前到鋪頭,但係間鋪黑哂,有兩個疑似店員嘅人坐係出面。
基於佢地個樣都幾惡下,又無問我地係咪bk咗位,
我地都唔敢貿貿然問佢地係咪店員或者開店未。
後尾見到門口痴住張poster寫開店時間係5點半,我就奇怪咁又比人預約5點?
於是我地再出去兜下,搭正5點先再過去,點知都仲係未開店閂哂門咁。
之後一邊再係附近兜一邊打電話比鋪頭,問其實係咪開5點半,
店員又話唔係,語氣唔太好咁話開咗好耐啦,仲質疑只係我個鐘快咗。
個下完全呆咗,明明一分鐘前完全無人咁款,真係好無奈。

入座後,朋友覺得佢個位隔離有條柱頂住唔方便食野,
問可唔可以調位,個陣成個場係好吉,
店員一開始都唔太想比佢轉,我提議同朋友調位坐,不過佢都驚我食得辛苦所以依然想轉。
好彩最後都肯比我地轉位,只係店員又再三提醒我地一定要7點前走人。

食物方面,我地叫咗三重芝士雞煲
芝士都幾足料,好香。
店員都會幫你炒,同你講下可以refill雞件。
芝士都做到拉絲效果,雞肉都入味,算頗滑嫩。
另外幾欣賞佢地可以點完芝士雞煲,再refill秘製麻辣雞煲,一次食兩種口味。
不過我地無refill,食完直接加水打邊爐。
今次邊爐唔算食太多餸,我都係專注食下牛肉、魚片頭、魚皮餃個類。
邊爐不過不失,味道正常。
5 瀏覽
0 讚好
0 留言
4 瀏覽
0 讚好
0 留言

另外有樣都想讚,由於我當日唔太舒服,唔飲得凍野,
而我又見到有一箱箱未雪嘅康師傅冰紅茶係雪櫃隔離,


我就問店員姨姨可唔可以自己拎未雪個啲,點知佢即刻幫我拎埋,值得一讚。

最後我地7點前走人,雖然多咗人,不過其實都未至於爆場。
我朋友去埋單,佢同我講店員叫佢唔好星期六日幫襯,平日先好幫襯,因為少人。
我覺得有啲搞笑,其實約得六日自然有佢原因嘅,唔通驚人多就唔食飯咩。
更何況我地食嘅時間已經好早,唔算多人。
雖然明白佢係溫馨提示,但都感覺佢有啲倒米。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2018-12-29
用餐途徑
堂食
人均消費
$200 (晚餐)