美心西餅 (已結業)

新出既黑芝麻口味!我屋企人專登訂左一個番屋企,係慶祝復活節既節目。蛋白質蛋糕軟綿綿,好得意,比普通蛋糕少左蛋味,但係都好好食,[感覺上會覺得多左空氣,但係唔知實際係唔係呢?呢款口味最好味既部分,我認為係比較近底層既芝麻醬,好香好有芝麻味,同上面一層黑芝麻慕司唔同,上面個層比較似啫哩既口感,亦無咁香,我無咁鍾意。呢個蛋糕忌廉唔多,岩晒我!而我屋企人最鍾意既係個杏仁餅底,媽咪同細妹都話又香又脆好好味,但係我覺得只係麻麻,而且咁鬼硬,ok啦!整體而言,個蛋糕屬ok,不過我估芒果味會好味一點。