喜滿樓菜館

營業中

休息中

國慶假期同朋友去土瓜灣喜滿樓食飯，地鐵站附近幾方便。我哋分別叫芝麻雞、芥末沙拉虎蝦、黑松露蝦多士、椒鹽軟殼蟹、上湯鮮墨魚滑浸油麥菜。整體味道出品好，翻食機會大。招牌芝麻雞 - 果然係招牌菜，皮香脆肉鮮嫩，原來雞都可以黏上芝麻，再黏上芝麻醬有入口即溶的味道。芥末沙拉虎蝦 -有食沙律蝦的味道，芥末有少少攻鼻，食落過癮。黑松露蝦多士 - 以為黑松露同蝦膠混在一起，原來係放係上面，裡面仲有原隻鮮蝦。黑松露、蝦膠、鮮蝦肉同多士一齊咬，舌尖大享受。椒鹽軟殻蟹 -香口惹味，大碟有8件，蟹味鮮甜，加上椒鹽好惹味。上湯墨魚滑浸菜心- 墨魚滑吸哂上湯又夠彈牙，用墨魚滑浸菜都幾特別。