晶晶甜品 (已搬遷) 新店位置

早幾日行過呢頭，見過餐牌有好多芝麻嘅糖水，有比較傳統嘅亦都有啲新穎啲嘅。因為我同朋友都好鍾意食芝麻類嘅糖水甜品，於是就入咗去試啦😁-🥢芝麻西米伴芝麻布甸一聽個名都覺得成個糖水好有芝麻味。芝麻西米嘅部份唔會好似芝麻糊咁傑，但芝麻嘅香味都有嘅，而且配西米食覺得幾特別。反而個芝麻布甸覺得麻麻地唔算好滑亦都唔重芝麻味。🥢湯圓芝麻糊見到個樣好似好傑咁，但食落覺得芝麻味都唔係話好重，不過甜度適中嘅如果湯圓我覺得個皮比較厚，亦都煮得好似耐左啲比較淋。🥢芝麻薑汁湯圓呢個反而有啲驚喜，覺得個薑汁幾好飲，好重薑味又唔會過辣。而啲湯圓都係一樣啦覺得麻麻地。