海雲天

營業中

休息中

平日去食芫荽點心放題，喺kk day預訂每人168，埋單再加茶位加一，最後埋單每人198。因為平日唔係好多人如果想坐窗邊望海景可以早啲到，放題提供40款點心左右，其中芫荽系列大約有10款。本身唔係芫荽fans，所以唔係好覺得有特別好食。因為係放題每次上嘅份量都好少，好似腸粉一份都係得一件，令你可以留肚食多幾款唔同嘅點心。 所有點心都幾好食，特別係蝦餃同埋素餃，啲皮又薄又煙韌，蝦都好彈好新鮮。炸物方面，鹹水角最出色，個皮唔太癡牙，入面個餡加咗菜脯，脆脆地好好食😋。有個叫芫荽炸饅頭唔推薦，一啲都唔脆，而且個包好實在好似食緊粗糧麵包咁。總括而言$400兩個人點心放題都幾抵，一共落咗三次order，上菜速度ok，90分鐘都夠，唔會話食得好趕。