餃掂手工餃子雲吞專門店

見到舖頭名叫餃掂，玩食字咁得意就入去試吓！一入到去見到每一台客人都食緊枱上面透明玻璃樽裝住嘅酸蘿蔔，好有懷舊feel! 😳 蘿蔔甜甜酸酸, 好有咬口🤪 簡直係食到停唔到口🤩 menu寫住有得買一樽返屋企慢慢食，我都有啲衝動😂💯四川涼皮撈埋一齊食有少少辣，作為一個前菜，十分之開胃😏 涼皮都有啲咬口，食落都幾’煙un’ 😝 💯芫荽湯豬肉餃用魚湯上嘅餃，感覺好清新🥰 餃子豬肉同芫荽嘅百分比配合得好好，豬肉亦唔會太多肥膏，食到芫荽清香嘅味道同時帶左豬肉味出來🤩 鍾意食芫荽嘅朋友一定要試吓呢個！另外，餃子皮都值得一讚！十分之滑，夾起上嚟完全唔鬆散！😏 呢個芫荽豬肉餃一定要試！💕