Cafe Prince Royal (已結業)

花墟附近有間cafe prince royal, 環境幾舒服樓底又高，怖置得文青休閒風格，menu多款價錢唔貴。叫左個 burger,麵包烘得香脆，size好巨形！餡料好豐富，手打澳洲牛鬆軟肉味幾香，太陽蛋煎到焦香，紅菜頭粒增加清新味道酸maymay, 啡菇蕃茄多汁清爽，菠蘿鮮甜，煙肉咸香感剛好唔太咸！整體夾埋一齊食好 match好夠份量，旁邊薯條香脆，沙律菜帶上黑醋調味，中和了過膩感覺！脆皮台灣腸自家製蕃茄意粉，醬汁調得幾好，蕃茄味相當濃郁，完全滲到意粉當中，意粉質地夠爽身！唔會比醬汁整到淋哂，脆皮腸細心地切粒，非常方便食！質感夠脆口，肉味惹味又夠香。黑糖豆腐沙冰，雖然說是沙冰，但仍然食到豆腐滑滑地既質感！2種口感同時有齊，豆味都幾香又唔會太甜，幾好飲既特飲。