影片
更多
2017-12-01
40 瀏覽
得知黃埔新開咗間水產概念場《9號水產》，裏面除咗有海鮮同各款日式食品買之外，仲有多間日本食肆， 今次就嘗試咗喺荃灣好出名食拉麵嘅【豚道樂】， 即管試下佢嘅吸引力。呢度嘅拉麵湯底有多款唔同嘅味道， 今次就揀咗辛辣味噌， 同日本芥末湯底試下。【特上辛辣味噌拉麵】 麵嘅種類揀咗「九州系直麵」， 辣度就揀咗「普通辣」。直麵嘅口感就較為軟滑幼細，由於湯底係用豬骨濃湯淆製而成，飲落特別濃稠，相當掛麵。特上拉麵入面有芽菜絲同木耳絲，兩者都可以增加拉麵嘅口感， 食起嚟卜卜脆，令整碗拉麵提升層次。 而且每碗特上拉麵都有兩塊豬肩肉同豬腩肉，豬腩肉肥肉部分較多，食起來較嫩滑juicy ，而且豬味較濃；而豬肩肉食落較為爽口， 兩者感覺甚為不同。 仲有隻溏心蛋， 蛋黃既入味亦流心 ，材料可謂相當豐富。【特上日本芥末拉麵】 麵嘅種類就揀咗「札幌系曲麵」 曲麵嘅口感比較彈牙， 食起來比較有嚼口。 日本芥末味嘅湯底真係第一次食，夠曬特別 ，我鍾意。Wasabi味唔會太濃， 有少少攻鼻嘅感覺， 食得出陣陣嘅芥辣味，加埋芝士味中和辣味，我估連平時食壽司唔點wasabi嘅朋友都接受得到。【牛油粟米粒】 牛油粟米粒味道香濃，
呢度嘅拉麵湯底有多款唔同嘅味道， 今次就揀咗辛辣味噌， 同日本芥末湯底試下。
【特上辛辣味噌拉麵】 麵嘅種類揀咗「九州系直麵」， 辣度就揀咗「普通辣」。直麵嘅口感就較為軟滑幼細，由於湯底係用豬骨濃湯淆製而成，飲落特別濃稠，相當掛麵。特上拉麵入面有芽菜絲同木耳絲，兩者都可以增加拉麵嘅口感， 食起嚟卜卜脆，令整碗拉麵提升層次。 而且每碗特上拉麵都有兩塊豬肩肉同豬腩肉，豬腩肉肥肉部分較多，食起來較嫩滑juicy ，而且豬味較濃；而豬肩肉食落較為爽口， 兩者感覺甚為不同。 仲有隻溏心蛋， 蛋黃既入味亦流心 ，材料可謂相當豐富。
5 瀏覽
0 讚好
0 留言
【特上日本芥末拉麵】 麵嘅種類就揀咗「札幌系曲麵」 曲麵嘅口感比較彈牙， 食起來比較有嚼口。 日本芥末味嘅湯底真係第一次食，夠曬特別 ，我鍾意。Wasabi味唔會太濃， 有少少攻鼻嘅感覺， 食得出陣陣嘅芥辣味，加埋芝士味中和辣味，我估連平時食壽司唔點wasabi嘅朋友都接受得到。
3 瀏覽
0 讚好
0 留言
6 瀏覽
0 讚好
0 留言
【牛油粟米粒】 牛油粟米粒味道香濃， 粟米大大粒又夠甜， 我就鍾意加埋入拉麵食， 顏色又夠繽紛，口感又夠豐富。
0 瀏覽
0 讚好
0 留言
【日式餃子】 店員介紹我哋隨個人口味加入辣椒油同埋胡椒粉入餃子醋裏面。味道層次果然立即提升，餃子嘅底部煎得金黃香脆，而且餃子嘅餡料亦相當豐富，夠曬多汁。
0 瀏覽
0 讚好
0 留言
【炙燒芝士豚肉】 呢個絕對係要趁熱食嘅小食，辣辣嘅芝士夠曬拉絲，豬豚肉煎好之後再放上芝士， 用火槍燒幾下令芝士變成金黃色， 食起嚟有微微嘅焦香味，用脆卜卜嘅紫菜包住一齊食，一啖一口， 可謂獨食難肥。
3 瀏覽
0 讚好
0 留言
呢間拉麵店仲有幾款來自日本嘅果汁梳打，【信州蘋果梳打】 蘋果味超級香濃，皆因佢含有50%蘋果汁，仲可以見到啲果肉添， 飲落夠曬清甜， 既有蘋果嘅清香， 亦有碳酸飲品嘅汽，夠晒「Gur」!
【靜岡抹茶可樂】 用咗靜岡出產嘅綠茶調配， 喺平時飲開嘅可樂味之中滲出微微嘅抹茶香，味道唔會太甜，比起平時嘅可樂多咗一份清幽。
由拉麵、小食到飲品都非常之滿意， 難怪到咗七點鐘就開始坐滿客人， 平時食豬骨拉麵冇乜驚喜， 可以試下呢間拉麵店。
張貼
