鋼管廠五區小郡肝串串香 (已結業)

如果想晏晝飯食到辣野，呢一度絕對係一個好選擇，下午都可以打住邊爐，慢慢談天說地食鍾意食嘅嘢。佢個名真係夠晒特別，叫做鋼管廠！唔講唔知原來佢係內地傳過嚟，嗰度食串串係好出名。今日同朋友終於試到，佢啱啱開張，某啲串串做緊八折，好抵食！首先我哋叫咗個酸菜鴛鴦鍋，一邊係酸菜湯令一邊係麻辣鍋，我哋兩個異口同聲拍案叫絕，因為呢個組合都幾難得。隨即係出邊嘅雪櫃拎左好多唔同類型嘅串串，仲有啲係用唔同顏色嘅盤盛載着，上面亦都寫上價錢，方便大家辨認，我哋叫咗呢度嘅凍豆腐，仲有秋葵同烏冬米線，全部浸左湯之後都好惹味，雖然麻辣鍋嗰邊有少少油但係佢嘅馬勒香好攻鼻，又辣又想食，真過癮。太口渴嘅關係，我哋都叫咗兩杯嘢飲這分別係竹蔗水同自家製嘅洛神花茶，洛神花茶唔會整到太酸，而且清清涼涼感覺，涼透心。竹蔗水裏面真係用鮮榨嘅竹蓆，食得出竹的味道，真係原汁原味。呢度仲有其他特色小食，包括紅豆糍粑，好軟熟，出邊有少少油炸但係食落去係麵粉做，口感好特別。如果辣得滯都可以食埋佢個冰粉一食落去即時解啦因為佢加上桂花蜜，將口裏面嘅辣中和。