諾亞半熟蛋糕專門店 (已結業)

去到九龍城除左食就真係諗唔到第二樣野, 本身都有聽過諾亞半熟蛋糕, 但每次到九龍城食完野後都已飲飽食醉無機會食到, 所以今日都把心一橫試試佢,買返屋企做甜品!蛋糕既種類花多眼亂, 每種味都想試,一時之間唔知點揀好為求穩陣,一口氣買左兩個,一個係原味半熟蜂蜜蛋糕，而另一個就係芒果味半熟芝士蛋糕(迷你杯)。原味半熟蜂蜜蛋糕:整個蛋糕比較軟熟,唔會因為天氣關係已導致太淋或因乾冰雪住關係令到太硬。另外蜂蜜味清香,壞食到底,蜂蜜味更濃郁。芒果味半熟芝士蛋糕(迷你杯):芒果本身就咁食已經香甜,加埋芝士蛋糕簡直perfect match. 芝士入口即溶, 而且唔會油膩。題外話: 店員姐姐問我要幾耐路程返到屋企, 佢就會預返適量乾冰比我, 而且亦都教我如果放落雪櫃拎返出黎食,要解凍先再食, 夠晒細心