仙跡岩 (至秀商業大廈)

營業中

休息中

趁住放工放兩點咁早，就約定同事唔食午餐，兩餐夾埋一餐食，一齊去嘆個下午茶！好想食台式牛肉麵，但諗唔到佐敦附近邊度有台灣麵食，好彩同事靈機一觸，想起以前幫襯過嘅仙跡岩，一於去睇睇佢仲能否保持到水準！呢間位於佑寧堂對面嘅仙跡岩，鄰近女拔學校，一到達便見到一大班美少女同學。坐在窗邊位，正正看到對面嘅佑寧堂，此教堂以被列入為香港文物古蹟。太肚餓了！第一時間點左食物先，叫咗一客牛肉牛筋面及甜不辣套餐。由於真係太肚餓，決定瘋狂叫小食！我叫左一份椒鹽魷魚，朋友叫咗花枝丸！食物上枱，兩個傻人相視而笑，原來我哋真係好鍾意食花枝！花枝丸、酥炸花枝、花枝做的甜不辣！笑C人！花枝狂！不過鐘意食就得啦！特別欣賞個甜不辣，微辣加上秘製醬汁更能帶出花枝魚餅的美味！另外值得一讚係個台灣牛肉牛筋麵，湯味香濃，牛肉牛筋煮得又香又有口感，配上酸菜及炆煮紅蘿蔔，果然能保持一定水準！飲品當然係叫特色台式飲料啦！我杯炭燒點子咖啡香濃可口，中間的咖啡果凍彈牙有質感！同事因太飽了，所以叫了金桔青檸！兩人滿足的捧著肚子離開了！👍👍👍