一生懸麵 (荃灣千色匯I) (已結業)

平時唔算成日食拉麵，但經常聽身邊朋友提起一生懸麵 呢度，一來鋪頭名好好聽，二來雪糕拉麵呢個gimmick太過令我念念不忘！🤤而家開左三間分店，好就腳就食到。挑了星期六中午來試試看，荃灣店人流都不少，入座等咗大概15分鐘，秒速決定好食咩，等咗5分鐘就有得食喇！🚀先上了煎餃子（係拉麵店嘅第二靈魂！），表面煎得很香脆，內裏沒有冰箱雪過嘅質感，不錯的，如果肉汁更多更佳，略嫌餃子汁會蓋過餃子本身的味道。再來就是今餐的主角——期間限定雪糕拉麵！看看完整地浮在水面上的雪糕，拍完照就先食一口雪糕，單獨食都好好食（係真實嘅花生醬味），絕對唔係為咗砌個樣而濫竽充數嘅質素。但大家食都要記得忍住口唔好食晒，要留番嚟浸入湯底啊。辛辣湯底對唔食得辣嘅人嚟講會有少少挑戰性，可以想像係小/中辣嘅程度，但mix完雪糕不單止無咁辣，入口都順滑咗，不過唔知係咪我食得太多雪糕😂，撈完之後花生醬味消失咗，不過身為第一靈魂嘅湯頭咁特別，食落係好開心的，而個cone浸淋咗吸晒湯汁又幾正（但應該有人會覺得怪的）。另外想特別highlight麵質，拉麵有手作嘅質感，形狀偏闊身，主要食口感，作為硬麵派真係好滿足！🤸🏽期間限定雪糕拉麵賣相