路邊煱 (已結業)

今晚響土瓜灣收工, 同事話想打邊爐, 行到呢間門面好光猛, 入面亦好乾淨, 一於試下.唔想就咁打邊爐咁普通, 所以要左個"招牌雜菌花甲煱"($180), 里面有花甲, 菌類, 粟米, 蔬菜等等, 好多配料, 而且好大煱.另外要多個餐前小食"蜆芥鯪魚球"($48), 新鮮熱辣炸出黎, 外表炸到金黃色好香口, 入面鯪魚夠彈牙, 個煱未滾食住黎等.個花甲煱滾起之後, 侍應就話可以飲左個蕃茄花甲湯底, 同埋食左花甲先, 因為花甲滾得太耐個鮮味會流失. 一啖入口個湯好清甜, 唔油膩, 而花甲好多好新鮮爽口, 而且仲有大量配菜, 一開始就可以醒醒胃. 食完一輪就開始打邊爐.打邊爐配料要左"本地肥牛+牛頸脊"($288), 本地牛就油脂多D, 所以食落較嫩滑, 入口無渣. 而牛頸脊就夠彈牙, 口感豐富, 兩款都肉味濃香.仲有"海蝦"滾熟已經吸收晒鮮甜味, 食落爽口彈牙, 蝦頭仲有鮮味既蝦膏. "生根"主要叫黎吸收晒湯既精華, 但唔油膩, 啖啖食到蕃茄蔬菜既新鮮甜味, 而且淥極個口感都係咁, 唔會變到腍晒.食完仲有甜品"雪糕糯米滋", 食完D咸野食番D甜甜地野中和下.