上海小南國 (MegaBox)

營業中

休息中

夜晚度度都好多人，見小南國又唔洗點等，咁就去咗呢度食。我哋幾個人叫咗個花膠松茸螺頭湯，每隻湯碗都用蠟燭保溫，唔打得都睇得，幾得意呀！侍應仲額外將啲湯料舀去隻碟上面，可以見到除咗花膠、松茸同埋螺頭之外，仲有雞腳同埋瘦肉等等，都幾足料，飲起上嚟味道幾濃郁。另外我哋仲叫咗幾樣嘢，呢個黑松露河蝦仁啲蝦仁表面都佈滿黑松露，食起上嚟幾惹味。至於呢個椒鹽小黃魚，佢嘅質感都算脆身嘅，可惜調味就重手咗少少，味道就有少少偏鹹。