IS Café (已結業)

而家難得出一次街食 buffet 就可以食勻唔同嘅美食喇而且有 65 折真係好抵呀！我係星期一晚嚟食嘅人流算適中，氣氛唔錯 🥳酒店地方夠大，每枱客坐得好開～大家勁守規矩，出去攞嘢食有戴返口罩自己個位有支消毒搓手液同消毒濕紙巾接觸完口罩再消毒都方便Buffet 嘅主題係花膠同龍蝦除此之外有其他海鮮㗎加拿大長腳蟹係最受歡迎 🤣蟹腳好好肉同埋鮮甜，幾易就剪得開另外仲有青口、蜆、凍蝦同海螺連沙律都有龍蝦沙律 🦞日式嘢應有盡有 🍣刺身、壽司、天婦羅同蕎麥冷麵等等刺身有三文魚、甜蝦、吞拿魚同鯛魚種類唔算好多，但係夠哂新鮮我再 encore 咗三文魚同甜蝦～天婦羅有炸蝦同超多款蔬果全部係即炸㗎，非常脆口主角之一嘅蠔皇花膠扣鴨掌兩塊大大塊嘅花膠滑嘟嘟充滿膠質隔離嗰碟係蒜蓉牛油燒龍蝦龍蝦蒜香濃郁，肉質彈牙爆哂膏呢兩份係每人二揀一嘅不過出去攞一樣有唔少龍蝦 items中式有翠玉瓜炒龍蝦西式有龍蝦意粉同龍蝦包 🍞隨便燉個滑蛋都有龍蝦，哈哈賣相精緻到爆！熱葷有各樣小菜、蒸魚、燒牛肉、羊架等等唔止豐富，最緊要真係好好食 🤤呢碟牛肋骨炆得軟熟入味當時食到好飽照樣 KO哂戰鬥力強嘅話仲有粉麵𠻹呢度連長洲大魚蛋都有！