White Hse. (已結業)

夢幻嘅花花佈置、熟悉嘅迪士尼音樂－入到嚟依間小店感覺就好似離開咗銅鑼灣鬧市，可以放鬆同朋友傾計食飯，環境同食物仲好啱打卡添。忌廉煙肉芝士貓耳朵有晒我鍾意嘅元素－加咗香草味道香濃嘅忌廉汁、拉絲芝士、香口嘅煙肉同菇菌，貓耳朵比起常見嘅pasta更有咬口同掛汁，食到最後汁都冇剩😋紫醉金迷無論個名定個樣都夠晒吸引～意大利飯用咗紫椰菜同忌廉煮所以呈粉紫色，食落有蒜香味，面頭仲有芝士焗大蝦同蜆肉，用金箔同食用花點綴，成幅畫咁呢！牛油果smoothie係健康嘅選擇，甜味嚟自天然嘅蜂蜜同香蕉，飲落仲幾飽肚添。玫瑰花釀紅茶有淡淡花香，唔甜而且好清新～