White Hse. (已結業)

打咭一族唔好錯過呢個花花主題 cafe。花花佈置有心思，入到去唔係一個打咭位就走咁hea，不同的花花佈置睇見都開心又舒服。食物的設計亦都配合花花主題。白房子生日漢堡為花花世界而設既生日漢堡。花花鳥籠，再班戟加蠟燭，合照一定唔少得。班戟夾住煙肉，蛋，生菜厚到好似漢堡咁，中間加咗沙律醬，有別於一般食開既甜點班戟，整體都幾好食。除咗賣相一流既生日漢堡，想食飽肚嘢都可以選擇蝴蝶粉。口感帶點煙韌，炒得夠香，一樣有花花靚靚仔仔。打咭點少得飲品。蝶豆花青檸梳打令人愛不釋手，配合埋花花牆有夠夢幻。要玩味可以揀Easter Cookie Cup，曲奇杯自己倒牛奶，再食埋隻杯，過癮。