Diletto (已結業)

媽咪快生日了，成日都係媽咪煮飯我食和幫我手照顧仔仔，所以決定今日同媽咪拍拖食飯，上網見到呢到有好多花做背景好吸引，就帶媽咪來食。媽咪一上樓開門就嘩了一聲，因為佈置個花花場真係好靚打卡一流。我們一座低侍應已經放底熱辣辣的麵包比我地食，服務一流。我同媽咪order 左以下兩款： Linguine Arrablata (Spicy) ~ 有蒜片，番紅花，蘑菇炒扁意粉辣辣地幾開胃Australian Black Angus Rib Eye Steak ~ 我地叫7成熟， 切出來仲有肉汁流出來，好嫩滑，煎得剛剛好，因我和媽咪都唔可以食太生，呢個掂岩我地胃口。