White Hse. (已結業)

星期二同男朋友影完一日Pre wedding，夜晚去左呢間靚靚打卡餐廳食飯。餐廳佈置以花花為主，任何角落都係打卡位。我地叫左香草芝士拿破崙煙肉蝴蝶粉、紫醉金迷、蝶豆花綠茶、玫瑰釀紅茶。香草芝士拿破崙煙肉蝴蝶粉番茄味香濃，蝴蝶粉煙煙韌韌，軟硬適中，熱辣辣上碟，好食。紫醉金迷賣相好華麗，金箔毫不吝嗇甘加，金碧輝煌，賣相好掂。呈現紫色係因為用左紫椰菜，夠creamy，唔係得個樣，有內涵。蝶豆花綠茶漸變顏色好靚，撈勻會變紫色，飲落似蜂蜜綠茶。玫瑰釀紅茶玫瑰味幾出，同紅茶都幾夾。