White Hse. (已結業)

Wasabi x 忌廉蟹柳蟹籽意粉非常之有驚喜。意粉嘅硬度啱啱好。唔會太淋，又唔會太硬。忌廉又香又唔漏，令成個意粉好濕潤。仲有，唔知點解每一啖食到後段果陣時，啲Wasabi味就會慢慢咁滲出黎，好特別。加上好有鮮味嘅蟹柳（唔係又粉又假嗰啲），配上又紅又橙嘅蟹籽。依碟意粉唔單止好食，影相仲一流添。金箔黑松露什菌蝴蝶粉另外一個驚喜。一般嘅蝴蝶粉通常煮到好硬，但係依個蝴蝶粉唔硬得黎又有煙韌嘅口感，煮嘅時間啱啱好。個黑松露什菌汁係依碟意粉嘅主角。佢唔係得個名，真係好有黑松露味。如果鍾意黑松露嘅你一定鍾意食依碟意粉。啲紅紅綠綠嘅菜插上一朵黃色嘅花，加上一片片嘅金箔，依碟又係一碟味道唔單止好食，影相仲一流嘅意粉。玫瑰花釀紅茶紅艷艷嘅玫瑰花釀紅茶好有玫瑰味。想知道玫瑰係咩味？快啲過黎試啦蝶豆花綠茶下面個紫色係甜嘅部份，建議搞一搞佢先好飲。綠茶嘅味道好出，清清哋都幾好飲。平時因為西餐比較貴，加上唔係間間好食，所以我好小出街食西餐，反而通常係屋企煮。不過，真心依間餐廳值得推介。環境坐得好舒服，成間餐廳點綴著好多唔同顏色嘅花，絕對係一個打卡勝地之一。加上食物嘅水平都幾高，佢嘅性價比都唔錯。