White Hse. (已結業)

姐自問係港女一枚... 超鍾意被花圍 🥰 IG 嗰啲以花入饡擺碟勁靚嘅餐廰，我會為咗打卡去吓 🫣今次到 @whitehse.cwb 探店食嘢，啲花真係多到DUM一聲 🌸 原來佢有賣花 @fleurs_damour.florist ，唔怪得啦！試咗 hero dish「紫醉金迷」，意大利飯用咗紫色椰菜花一齊煮，配香草蒜蓉烤大蝦加清酒煮藍青口，成碟灑滿金箔同花，好浮誇 🤩「二重奏忌廉煙肉芝士短管麵」擺碟就簡約啲，奶香撲鼻，有少少拉絲效果，唔錯 😋另外試咗「蝶豆花綠茶」，紫色好靚，但味道比較清淡。我就鍾意「草莓紅茶」多啲，個套杯係珍珠貝殼款，少女心呀 😍份量偏精緻，大食寶寶叫多幾樣試吓啦！