Séan Café & Lounge (已結業)

較早前去咗銅鑼灣呢間打卡熱點cafe, 呢度嘅環境主要係以花花為主🌺 餐具、擺設同食物鋪排都好精緻，每一個角落都可以盡情打卡超靚❤️Rose latte綿滑奶泡有着淡淡的玫瑰味，加上有花花襯托，飲起嚟特別寫意🥰水牛芝士煙三文魚多士軟軟嘅芝士加上肥美嘅煙三文魚呢個配搭冇得輸，多士亦算外脆內軟，唔錯😋拿破崙意粉酸酸甜甜嘅蕃茄醬配上香腸煙肉洋蔥，配料都唔少，意粉亦有咬口，食落幾開胃唔錯👍綠茶芝士蛋糕成個擺設都好靚，綠茶同芝士尚算香濃，亦唔會過甜👍紫薯奶蓋pancakePancake上面同中間都有好多紫薯味嘅cream，仲食到一粒粒嘅紫薯，pancake係美式嗰隻所以比較實淨，睇落去以為會好漏，但係一啖cream一啖pancake份量剛剛好，一啲都唔甜😚