Zoe

營業中

休息中

近排有朋友生日，買左Zoe蛋糕同朋友慶祝，揀左5”蛋糕，細細個岩岩好。款式選擇好多，朋友比較鍾意清新水果口味蛋糕，揀咗花花形狀嘅蛋糕 - Mango Passion Fruit Dots Camellia，賣相好特別。花花形狀提升視覺美感，蛋糕面有彩色波點設計，蛋糕主要用左百香果奶油，中間夾住一層芒果果凍內餡，底部用左餅乾餅底。百香果奶油清爽酸甜，輕盈細膩，芒果果凍內餡甜甜地，入口有Q彈既質感，完全感受到芒果既濃郁香氣和多汁甜美，同酸酸地既百香果奶油互相襯托，餅乾餅底帶嚟脆脆嘅口感，令成個蛋糕口感層次豐富。