四寶食堂 (已結業)

餐廳位於旺角嘅豉油街，喺遠處已經俾佢嘅tiffany blue外牆吸引住😎 環境裝潢超級打卡able，唔講唔知以為去咗cafe添😝 食物款式夠晒多元化，除咗有常見嘅中式小菜同茶記小食，更有封門柳、特色平安漢堡包、未來豬肉等等，好有驚喜呀😍 整體地點方便，價錢合理，大件夾抵食，絕對會再encore！燒美國極級牛板腱煎至七成熟，肉質細嫩，香濃多汁，相比之下頂極封門牛柳嘅肉味更加濃郁，食肉獸人士表示心心眼👀 旁邊搭配蒜蓉同蔬菜界嘅新品種蘭花苔，超級特別呀！餐廳嘅菜類都有好多選擇，馬拉盞炒通菜同菜心可以揀淋啲/少油，感覺更加健康～ 兩款都炒得好入味，配飯一流😳 公司三明治有齊番茄、炒蛋、午餐肉、生菜、牛油、沙律醬等🥪 麵包微微烘過，整體層次分明，口感豐富！另外必試呢度嘅燉湯，完全無味精，飲完即刻暖曬🥺飲品方面要咗熱情果檸檬蘇打、熱鮮奶同雪糕紅豆冰～ 極度推介熱鮮奶，甜度適中，同時散發着淡淡嘅奶香味👍🏻 比利時朱古力千層蛋糕味道濃郁，絕對比得上出面嘅甜品店！港女西多士都唔錯，略嫌外層煎得唔夠脆但勝在蛋味夠出，上面搭配朱古力雪糕，正！