ASK cafe

營業中

休息中

入到黎靚到我真係靚到嘩一聲，天花板掛咗好多乾花，枱面有有花花鋪滿嘅餐枱，周圍都好多綠草裝修都係簡約田園風。小食拼盤 $85食物等得比較耐，但嚟到熱辣辣，精心炮製。雞翼脆卜卜，好juicy。薯條軟林林。烹調食物只要用心，就一定會好食。全日早餐 $128睇all day breakfast 有冇誠意，睇茄汁焗豆就略知一二，會返熱個焗豆嘅，通常質素都唔會差得去邊。煙肉炸身得來不乾，炒蛋好滑，好食的all dayFlat white $40 & chocolate $40 黎依間餐廳最想玩嘅，就係打印咖啡。打印出嚟嘅樣子又好似喎，梗係要立即打卡啦！你杯咖啡同朱古力唔係得個樣，咖啡豆好香，冇苦澀味之餘仲有好香嘅果仁味，每口咖啡的餘韻都很香順。朱古力都是很香，不是一個甜得個奶味。他的飲品非常高質。