富哥譽江南 (已結業)

搭車經過見到呢到，是日到銅鑼灣，一於黎幫襯下。八時幾，人唔多，唔洗等。店係白色佈局，幾sharp醒，唔錯。一坐落，有花茶飲，好清香，很不錯。較少飲花茶，更少係食飯黎飲，原來也是不錯的搭配。要店家既拼盤，有醉雞、粉皮、夫妻肺片、烤夫及素鵝(原本係小黃瓜，不過無哂)，醉雞帶有淡淡酒香，很不錯，雞亦滑，係五款中最好的一款。粉皮略為少了點醬，不過夠滑亦收貨。夫妻肺片幾硬下，同埋好辣，唔岩我口味。烤夫就無咩特別。素鵝個皮軟腍腍，如果脆d會更好。有好有唔好既拼盤。點心只要左小籠包，皮夠哂薄，不過一夾就穿餡，唔多收貨。好在肉夠鬆軟，湯汁亦適中，是好食的。排骨煨麵，排骨炸得幾不錯，煨麵個湯幾咸下，煨麵個麵唔多柔軟，只係好腍好腍，腍到好似杯麵泡左十幾分鐘一樣，腍過頭。服務無問題的，很好。不過食物就好似麻麻地，未食中式點心，不過見樓上d評價都係一般般，睇黎都係要再觀望下。