龍鳳號 (裝修中)

成間舖頭裝潢用古早風，連凳都係木板凳 其實坐得唔舒服，食物質素都好一般，喺香港咁多台灣餐廳佢連嘢飲都唔係特別突出，up to 20蚊先得一支葡萄適咁既size，味道仲要飲得出溝咗不少糖水…啲侍應態度惡劣見到有客行入嚟，竟然有都扮睇唔到，做自己嘢，對客人態度都呼呼喝喝，舖頭晚餐時段都冇人，靜到拍烏蠅，但係都唔會比客人自己揀位坐，見到有個女士自己一個坐角落，我覺得間鋪咁吉咁多位，隔開啲人群坐，唔明有咩問題，最後佢俾個侍應阿姐，離遠喝佢「坐返過去」…不過啲阿姐自己就好瀟灑自在，成班人圍坐係一張枱度切生果傾偈講是非，細聲講大聲笑…整體俾人覺得係「此地不宜久留」vibe，唔會再試第二次亦都建議大家唔好俾錢買難受！