White Hse. (已結業)

佢哋真係一間好適合打卡嘅餐廳，但係唔好俾佢哋嘅外表呃到，以為虛有其表，其實佢哋嘅內在都好好架，講緊嘅係佢哋嘅食物😍▫️來自地獄的意粉▫️橫掂今日係萬聖節，一於就食啲來自地獄嘅嘢啦！一見到咁多指天椒，就知道火辣火辣🔥 作為鍾意食辣嘅人，我一於接受呢個挑戰😏 其實呢個係一碟炒意粉，加入洋蔥、煙肉同雞髀菇，仲有大量指天椒🌶️ 一嚟到已經聞到好香，食一啖，會想繼續食！不過講明先呀，食落去係真係辣架！🥵 其實我覺得食落去有種辣子雞嘅味道，係fusion菜定係我已經辣到傻咗？😆 鍾意食辣嘅人唔好錯過啦！▫️紫醉金迷▫️其實係意大利飯加入紫椰菜，有青口同大蝦之餘，再有啲金箔係面😍 咁fancy架咩？😍 值得一讚嘅係個兩隻大蝦，超！濃！蝦膏味！作為一個「好」鍾意食綠色嘢嘅人，側邊啲菜我梗係唔放過啦🙃 但原來撈埋好creamy嘅意大利飯一齊食，又幾清新喎🥰 不過純粹個人喜好，啲risotto再生啲就perfect池啦😌▫️紫薯牛奶▫️有淡淡嘅紫薯香，但係唔會好滯！食完來自地獄嘅辣，我都係靠佢幫我解辣架咋😛解辣之選😎▫️蝶豆花綠茶▫️大家都知道蝶豆花係比較淡味㗎啦，所以其實佢係綠茶🤣 好嘅係佢唔係好甜P.s.佢哋會喺百樂中