羽田日本料理 (已結業)

今日和朱老闆食晏, 壽司蟲一早蠢蠢欲動, 便決定到屋企附近日本餐廳滿足一下!雖然近兩點, 不過依然要等位, 心想應該OK 掛!等不到十分鐘就有位, 但已有一段小插曲, 女闆娘掛住同剛埋單既人吹水, 都由得我們係門口乾等, 時間雖然係短短一, 兩分鍾, 但待客之道唔係咁呀入到去個場裝修都幾好, 幾舒服!我地分別叫左什錦壽司+烏冬及北海道刺身壽司飯, 跟餐有沙律, 餐茶或湯同甜品!北海道刺身壽司- 有三文魚, 吞拿魚, 玉子, 墨魚全部切粒, 不過切得太細咬口不夠, 亦吃不到什麼味道!不過以價論貨都可以接受!什錦壽司+拉麵(老闆娘落錯ORDER)- 朱老闆就覺得不太滿意, 我只試左拉麵湯底, 用上面豉味, 不過淡口少少!甜品亦是啫喱!總括而言食物水準都可以, 除左壽司!本來都可以"OK", 不過加上服務就一定俾個"喊"!老闆娘全程黑面, 好似全世界欠佢錢食緊野時,收一D食完既碟, "唔該", "唔好意思"都無一句, 快餐店服務都不如仲有...都唔想再講離開時不禁想起蘇打綠既"小宇宙"歌詞!....賣衣服的店員態度就好像 我花錢我花錢只是買她臭臉