木

營業中

休息中

同同事在上環做完嘢好肚餓，無啦啦行到上環蘇杭街，本身諗住求其搵啲嘢食，突然見到一間鋪仔細細，以木為主題嘅餐廳，見到個午餐Menu都幾吸引，以一試嘅心態入咗去，除咗樓下吧枱位置，樓上仲有normal table。 天氣凍冰冰，我自己就點咗個熱辣辣嘅關東煮，而同事就點咗一個牛丼。 關東煮裏面有超過六種不同配料，而highlights就係入邊嘅蘿蔔，蘿蔔超入味😍。 同事就話佢嘅牛丼，牛肉味超濃郁，老細話佢哋係用牛肋骨嘅部位做，怪唔知😌。 最後我哋都跟餐加$15嗌咗一杯咖啡，雖然只係$15一杯，但絕對拍得上酒店水準！讚！ 跟住再研究吓佢哋晚餐餐牌同埋酒單，發現佢哋種類超多，尤其是清酒方面，都係60幾蚊起，下次一定會嚟食晚飯，同埋其他朋友一齊嚟飲Sake同wine。